Kocik-Kocik Jago Kobau.

Hang Mokhtar – Kocik-Kocik Jago Kobau (1985)

Semalam KM tolonglah seorang staff KM kat office nie transfer lagu dia ke handphone. Dalam pada tue KM terjumpa pulak lagu Kocik-Kocik Jaga Kobau nyanyian Hang Moktar. KM ingat lagi masa KM bawah umur dulu, lagu nie menjadi siulan anak-anak muda baru nak naik. Yang kelakarnya diorang hafal part yang “Kocik-Kocik Jaga Kobau” tue aje.

Kocik-Kocik Jago Kobau

Lagu nie ada 2 part masa kecik dan bila dah besar. Hang Moktar nie terkenal dengan lagu-lagu yang bertema sindiran. Ada jugak album dia yang dikeluarkan khas olehnya sendiri. Taktaulah ada lagi ke tidak di pasaran sekarang nie.

Kocik-Kocik Jago Kobau – Masa Kecik

Kocik-kocik jago kobau
Bilo bosa den mengantau
Kadang Pilah kadang Gombau
Kadang kadang poi Congkau
Kocik kocik den jago kobau

Dudok kampong memang banyak konangan lamo
Bilo teringek hati den teghaso hibo
Poi sawah mandi sungai jadi ingatan
Itu sumo memang tak dapek den lupokan

(Chorus)

Poi sekulah onam batu nek basikal
Basikal pulak bukan baghu tapi tuo
Naik bukit tughun bukit baghu tibo
Kadang terlambek kono jumpo pengotuo

(Chorus)

Sekulah habih pukol 1.45
Nak kayuh basikal den ghaso tak terdayo
Apo nak buek tepakso den kayuh juo
Lopeh makan kang den poi sawah pulo

(Chorus)

Menyabit ghumput poi sawah satu kojo
Kalau maleh kono penampar dek oghang tuo
Mau tak mau den kono buek juo
Pukol 5 kang nak main sepak takraw

(Chorus)

Dudok kampung memang tak ado hiburan
Kadang kadang ado wayang sekali sebulan
Meloponglah tengok wayang Jabatan Penorangan
Heronyo dah mesti Tunku Abdul Rahman

(Chorus)

Tapi sekarang semuo eh dah berbezo
Dulu gasing tapi sekarang main komputer
Kobau lombu tak payah laie nak jago
Poi sekolah pon semuo dah naik keto

Kocik-kocik jago kobau
Bilo bosa den mengantau
Kadang Pilah kadang Gombau
Kadang kadang poi Congkau
Kocik kocik den jago kobau

Kocik-Kocik Jago Kobau – Bila Dah Besar

Kocik-kocik jago kobau
Sudah bosa den mengantau
Dari Bahau den poi Congkau
Singgah Gombau den melilau
Kocik kocik jago kobau

Duduk kampung mulo-mulo tak ado kojo
Motong gotah poi sawah den tak suko
Apo buek somuo eh tak kono
Duduk kodai dari pagi sampai sonjo.

(chorus)

Duduk kodai samo-samo kawan-kawan
Secawan kopi dari pagi sampai potang
Lawan dam tak kiro berapo papan
Omak bising pasal kobau tak masuk kandang

(chorus)

Pagi bagun den tomonung ateh tanggo
Tak buleh jadi den mosti cari kojo
Dongar-dongar ado nak pilih mato-mato
Den poi Segomban den torus ukur dado

(chorus)

Onam bulan duduk depoh hontak kaki
kaki bobobek kepalo borocam tiap ari
Seluar kuning sait topacak koreh dek kanji
Tolur robus duo biji satu ari

(chorus)

Kuar depoh den kojo central Melako
Hari-hari kono jago simpang tigo
Tahan bas tahan lori den tahan keto
Tak beronti siap den saman jugo

(chorus)

Balik cuti omak pulak susah ati
Minah dah bosa apolah nak dinanti
Lopeh manuai jangan nak cerito lagi
Nikah dulu lopeh itu buek kenduri

(chorus)

Duduk berek Minah memang hati suko
Air dalam bosi api pun dalam kaco
Potik topi tibo-tibo tongah menyalo
Memang untuk dapek nikah dongan mato-mato

(chorus)

Cukup umor den limo puluh limo
Den balik kampung pasal den dah pencen kojo
Habih tugas den sebagai mato-mato
Tapi den pencen pangkat den sarjan mejo

Kocik-kocik jago kobau
Sudah bosa den mengantau
Dari Bahau poi Congkau
Singgah Gombau den melilau
Kocik kocik jago kobau
Kocik kocik jago kobau
Kocik kocik jago kobau
Kocik kocik jago kobau
Kocik kocik jago kobau
Kocik kocik jago kobau

115 total views, 1 views today

Tags: , , ,

2 Enlightened Replies

Trackback  •  Comments RSS

  1. zik says:

    lagu nostalgia masa kecik2 nih…

  2. akubiomed says:

    Semasa kecil dahulu ini adalah lagu antara popular :-)

Post a Reply

Your email address will not be published. Required fields are marked *

CommentLuv badge

Top